منتديات بنات الكويت

<style type="te //~مرحبآ بكم،، في منتدى بنات الكويت //~
منتديات بنات الكويت


زوروا منتدى قمر الإمارات
 
 
 

 

 


    .•:*`¨*:•. كان قلبي لك مدينه لاحـــظ إنــي قــلت " كـان!!!!!

    شاطر

    reem
    عضو ج ـديد ..~
    عضو ج ـديد ..~

    المساهمات : 21
    تاريخ التسجيل : 17/06/2009

    .•:*`¨*:•. كان قلبي لك مدينه لاحـــظ إنــي قــلت " كـان!!!!!

    مُساهمة من طرف reem في الثلاثاء أغسطس 18, 2009 10:39 am

    ما تغيَّر شي .. لكن .. صار فاضي هالمكـان
    .....يعني إنتَ شفت قلبي طحت مِنْ عيني وعينـه

    كان لك قلبي مدينه ولاحظ إني قلت : ((كان))
    .....يعني إنتَ الحين واحد ((خارج حـدود المدينه))

    ليه مستغرب كلامي وليـه أعطيـك الأمـان
    .....وليه تَكْذِب في كلامك العـذر وينـك ووينـه

    ما ألومك كان قلبـك ثـارت أمواجـه وخـان
    .....الخطــا منَّي لأني صرت فـي بحـرك سفينـه

    والسؤال اللَّي كتمته وما نِطَـق فيـه اللسـان
    ......كيف إيدك إطعنتني وآنا أحْسِبْهَـا أمينـه ..؟

    جرحي ما يرضيه قلبك لو يجـي كلِّـه حنـان
    .....لو تبــوس الجرح فيني ولـو تقبلهـا إيدينـه

    يُوم أحبك قلت كلمه : ( يكرَم المرء أو يُهان )
    .....وإنتَ قلبي ما كرمته وما قدرت إنِّـك تهينـه

    ( عزِّتـي ).. ما هي جديده آنا شامخة من زمان
    .....إغسل إيدك من رجوعي وروح يا إبن اللذينه

    طاب خاطر قلبي منِّك وهذي الفرقـى رهـان
    .....وحتَّى لو قلبي يحبـك ربِّـي بفراقـك يعينـه

    تدري لما قلت أحبك قلت وما عنـدي ضمـان
    ......وإختياري كان خاطىء تجربه بالحيـل شينـه

    كنت تخطي وكنت أسامح مرَّه مرتين وثمـان
    .....أدمح الزله عشانك وأكتـم أنفـاس الغبينـه

    كنت أحبك وكنت أعزك والغلا فينـي جبـان
    .....اخاف تزعل لو ألومك ضعت ما بينـك وبينـه

    في عيون الناس عادي بس في عيني جنـان
    .....وكان قلبي من يشوفك تفضحه نظـرة حنينـه

    ماني أوَّل من يحب ومنتَ آخر شخص خـان
    .....المحبه في زمانك بحـــرها من غيـر مينـه

    الفشل .. كان النتيجه وأعتقـد آن الأوان
    .....أبني مستقبل حياتي وأنسى قصتنـا الحزينـه

    وخطوتي الأولى غيابك وراح أطبقها عشـان
    .....يبكي قلبك لا فقدني والندم .. يملـي سنينـه

    جاي تسأل عن مكانك !! هو بقى فيني مكان ؟؟
    .....الله يرحمها المشاعر اللي كانت لـك رهينـه

    قلت لك قلبي ( مدينـه )فيها لك حشمه وشان
    .....لكن إنتَ الحين أغرب شخص في هذي المدينه !!

    Miss shosho
    عضو نشيط ..~
    عضو نشيط ..~

    المساهمات : 89
    العمر : 28
    تاريخ التسجيل : 09/08/2009

    رد: .•:*`¨*:•. كان قلبي لك مدينه لاحـــظ إنــي قــلت " كـان!!!!!

    مُساهمة من طرف Miss shosho في الجمعة أغسطس 21, 2009 7:14 am



    ما تغيَّر شي .. لكن .. صار فاضي هالمكـان
    .....يعني إنتَ شفت قلبي طحت مِنْ عيني وعينـه



    صح السان قايلها وتسلم ايد ناقلها ...



    يعطيييج الف عافيه على الابداع يالغلا ..

    سي يو فديتووج ^_^

    صمت^_^اليتاما
    عضو نشيط ..~
    عضو نشيط ..~

    المساهمات : 80
    تاريخ التسجيل : 23/06/2009

    رد: .•:*`¨*:•. كان قلبي لك مدينه لاحـــظ إنــي قــلت " كـان!!!!!

    مُساهمة من طرف صمت^_^اليتاما في الجمعة أغسطس 21, 2009 11:53 am

    كلمات في غاية الجمال

    سلمتي ولا هنتي

    تقبل مروري


    ودمتي بكل ود

    ^_^

      الوقت/التاريخ الآن هو الثلاثاء ديسمبر 06, 2016 2:08 pm